Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Sicuti Lucilius in eodem casu victu et anu dicit, non victui nec anui, in hisce versibus:

  1. Quod sumptum atque epulas victu praeponis honesto
et alio in loco:
  1. Anu noceo (inquit).

Vergilius quoque in casu dandi aspectu dicit, non aspectui

  1. Teque aspectu ne subtrahe nostro
et in Georgicis:
  1. Quod nec concubitu indulgent.

C. etiam Caesar, gravis auctor linguae Latinae, in Anticatone, unius, inquit, arrogantiae, superbiae dominatuque. Item In Dolabellam actionis l. lib. I.: Isti, quorum in aedibus fanisque posita et honori erant et ornatu.