Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Sed ubi apparuit ad eam [*](ad eam, J. F. Gronov; eadem, RV.; eandenm, P.) verrucam occupandam iter intendere, mittit adversum illos imperator Carthaginiensis peditatum equitatumque quos in exercitu viros habuit strenuissimos.

Romani milites circumveniuntur, circumventi repugnant;

fit proelium diu anceps.

Tandem superat multitudo.

Quadringenti omnes cum tribuno [*](cum tribuno, Mähly; cum uno (una, V.), ω.; ad unum, Pricaeus.) perfossi gladiis aut missilibus operti cadunt.

Consul interim, dum ibi pugnatur, se in locos tutos atque editos subducit.

Sed quod illi tribuno, duci militum quadringentorum, divinitus in eo proelio usus venit, non iam nostris, sed ipsius Catonis verbis subiecimus: