Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

OTIUM erat quodam die Romae in foro a negotiis et laeta quaedam celebritas feriarum legebaturque in consessu forte conplurium Enni liber ex Annalibus. In eo libro versus hi fuerunt:

  1. Proletarius publicitus scutisque feroque
  2. Ornatur ferro; muros urbemque forumque
  3. Excubiis curant.
Tum ibi quaeri coeptum est, quid esset proletarius.