Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Praeterea idem Vergilius turrim dixit, non turrem, et securim, non securem:

  1. Turrim in praecipiti stantem
et:
  1. incertam excussit cervice securim.
Quae sunt, opinor, iucundioris gracilitatis quam si suo utrumque loco per e litteram dicas.

At ille qui interrogaverat, rudis profecto et aure agresti homo, Cur, inquit, aliud alio in loco potius rectiusque esse dicas, non sane intellego.

Tum Probus iam commotior, Noli, inquit, igitur laborare, utrum istorum debeas dicere, urbis an urbes. Nam

cum id genus sis quod video, ut sine iactura tua pecces, nihil perdes, utrum dixeris.