Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Nam qui ab Harpalo, inquit, regis Cyri praefecto, ex terra Phocide fugati sunt, alii Veliam, partim Massiliam condiderunt.

Inscitissime igitur petit ut Aeneas portum Velinum requirat, cum id nomen eo tempore fuerit [*](fuerit, Π; fuit, ω.) nusquam gentium.

Neque simile, inquit, illud videri debet, quod est in primo carmine:

  1. Italiam fato profugus venit
  2. Litora,
et aeque in sexto libro:

  1. Chalcidicaque levis tandem superastitit arce,

quoniam poetae ipsi quaedam κατὰ πρόληψιν historiae dicere ex sua persona concedi solet, quae facta ipse postea scire potuit, sicut Vergilius scivit de Lavinio oppido et de colonia Chalcidicensi.