Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Capillum Dialis, nisi qui liber homo est, non detonset.

Capram et carnem incoctam et hederam et fabam neque tangere Diali mos est neque nominare.

Propagines e vitibus altius praetentas non succedit.

Pedes lecti, in quo cubat, luto tenui circumlitos esse oportet et de eo lecto trinoctium continuum non decubat neque in eo lecto cubare alium fas est. Apud eius lecti fulcrum capsulam esse cum strue atque ferto oportet.

Unguium Dialis et capilli segmina subter arborem felicem terra operiuntur.