Priapeia
Priaepia
Poeta Latini minores, ed. Aemilius Baehrens, Leipzig, Teubner, 1879
- nec uenti pluuiaeue siccitasue,
- quod de se quererer, malum dederunt;
- non sturnus mihi graculusue raptor
- aut cornix anus aut aquosus anser
- aut coruus nocuit siticulosus:
- sed quod carmina pessimi poetae
- ramis sustineo laboriosis.
- Securi dormite, canes: custodiet hortum
- cum sibi dilecta Sirius Erigone.
- Parum est quod, hic ut fiximus semel sedem,
- agente terra per caniculam rimas
- siticulosam sustinemus aestatem;
- parum, quod imos perfluunt sinus imbres
- et in capillos grandines cadunt nostros