Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. et nil deterius mutuniatus.
  2. quare, qui sapiet, malus cauebit,
  3. cum tantum sciat esse mentularum.
  1. Contentus modico Bacchus solet esse racemo,
  2. cum capiant alti uix cita musta lacus,
  3. magnaque fecundis cum messibus area desit,
  4. in Cereris crines una corona datur.
  5. tu quoque, diue minor, maiorum exempla secutus,
  6. quamuis pauca damus, consule poma boni.
  1. CD si scribas temonemque insuper addas,
  2. qui medium uult te scindere, pictus erit.
  1. Credere quis possit? falcem quoque - turpe fateri -
  2. de digitis fures subripuere meis.