Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. cingit inaurata penem tibi, sancte, corona:
  2. hunc pathicae summi numinis instar habent.
  1. Quisquis uenerit huc, poeta fiat
  2. et uersus mihi dedicet iocosos.
  3. qui non fecerit, inter eruditos
  4. ficosissimus ambulet poetas.
  1. Laetus Aristagoras natis bene uilicus uuis
  2. de cera pacili dat tibi poma, deus.
  3. at tu sacrati contentus imagine pomi
  4. fac ueros fructus ille, Priape, ferat.