Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. formosissimus omnium est Cupido.
  2. me pulcra fateor carere forma,
  3. uerum mentula luculenta nostra est:
  4. hanc mauult sibi quam deos priores,
  5. si qua est non fatui puella cunni.
  1. Nota Suburanas inter Telethusa puellas,
  2. quae, puta, de quaestu libera facta suo est,
  3. cingit inaurata penem tibi, sancte, corona:
  4. hunc pathicae summi numinis instar habent.
  1. Quisquis uenerit huc, poeta fiat
  2. et uersus mihi dedicet iocosos.
  3. qui non fecerit, inter eruditos
  4. ficosissimus ambulet poetas.
  1. Laetus Aristagoras natis bene uilicus uuis
  2. de cera pacili dat tibi poma, deus.