Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. uernis passeribus salaciores,
  2. aut rumpar, nec habebitis Priapum.
  3. ipsi cernitis, ecfututus ut sim
  4. confectusque macerque pallidusque,
  5. qui quondam ruber et calens solebam
  6. fures caedere quamlibet ualentes.
  7. defecit latus et periculosam
  8. cum tussi miser expuo saliuam.
  1. Deliciae populi, magno notissima circo
  2. Quintia, uibratas docta mouere nates,
  3. cymbala cum crotalis, pruriginis arma, Priapo
  4. ponit et adducta tympana pulsa manu.
  5. pro quibus, ut semper placeat spectantibus, orat,
  6. tentaque ad exemplum sit sua turba dei.