Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Nec vero ipse metus curasque resolvere ductor,
  2. sed maria aspectans 'heu qui datus iste deorum
  3. sorte labor nobis. serum ut veniamus ad amnem
  4. Phasidis et mites' inquit 'dent vellera Colchi,
  5. unde per hos iterum montes fuga?' talia fundit,
  6. imperio fixos[*](fixos Bon. 2, fixus V ) Iovis aeternumque revinctos
  7. nescius. id[*](id Heinsius, et V, haec Baehrens | manebat T, manebat V 1 ) fati certa nam lege manebat,
  8. siqua per hos undis umquam ratis isset apertis.
    9. p.105
  9. Tum freta, quae longis fuerant impervia saeclis,
  10. ad subitam stupuere ratem,[*](stupuere ratem M, stuperatem V ) Pontique iacentis
  11. omen solum regesque patent gentesque repostae.
  12. non alibi effusis cesserunt longius undis
  13. litora, nec tantas quavis[*](quavis Kr. et Vollmer, quamvis V (sed quau librarium scribere coepisse ex m lit. forma apparet), iunctus Thilo ) Tyrrhenus et Aegon
  14. volvat aquas, geminis et desint Syrtibus undae.
  15. nam super huc vastos tellus quoque congerit amnes.
  16. non[*](Non V, num Slothouwer, sed cf. IV 444 sq. ) septemgemini memorem quas exitus Histri,
  17. quas Tanais flavusque[*](flavusque Bon. 1, fluusque V Tyres Maserius e cod. quodam, lyces V | nouasque V (fluvius ignotus, cf. VI 100), Melasque C ) Tyres Hypanisque Novasque
  18. addat opes, quantosque sinus Maeotia laxent
  19. aequora. flumineo sic agmine fregit[*](fregit T, regit V ) amari
  20. vim salis hinc Boreae cedens glaciantibus[*](glacialibus CT 1 ) auris