Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. axe nitet serpens septenosque implicat ignes.'
  2. sic ait et certi memorat qui vultus Olympi,
  3. Pleiones Hyadumque locos, quo[*](Pleiadas Hein- sius | quo P, quos V ) sidere vibret
  4. Ensis et Actaeus niteat qua luce Bootes.
  5. haec ubi dicta dedit, Cereris tum munere[*](munere SM, muneres V ) fessas
  6. restituunt vires et parco pectora[*](pectora Sudhaus, cf. Bacch. fr. 20, 2 et 11, corioro V, corpora X 2 M ) Baccho.
  7. mox somno cessere; regunt sua sidera puppem.
  8. Iamque sub Eoae dubios Atlantidis[*](atlantidis M, athlantidis OQ, altantidis V ) ignes
  9. albet ager, motisque truces ab ovilibus ursi
  10. tuta domosque petunt, raras et litus in altum
  11. mittit aves, cum primus[*](primus SM 2, primis V ) equis exegit anhelis
    12. p.34
  12. Phoebus Athon mediasque diem dispersit in undas.[*](undas SM, undis V )
  13. certatim remis agitur mare rostraque cursu
  14. prima tremunt, et iam summis Vulcania surgit
  15. Lemnos aquis tibi per varios dilecta[*](dilecta Lennep, defleta V ) labores,
  16. Ignipotens; nec te furiis[*](furiis X 2 M, fariis V ) et crimine matrum
  17. terra fugat[*](fugat S, fugae V clare exhibet ) meritique piget meminisse prioris.
  18. Tempore quo primum fremitus insurgere opertos
  19. caelicolum et regni sensit novitate tumentes
  20. Iuppiter aetheriae nec stare silentia pacis,