Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. serta patri iuvenisque comam vestesque Lyaei
  2. induit et medium curru locate aeraque circum
  3. tympanaque et plenas tacita[*](tacita M r, tacitas V ) formidine cistas.
  4. ipsa sinus hederisque ligat famularibus[*](famularibus M, falamuribus V ) artus
  5. pampineamque quatit ventosis ictibus hastam
  6. respiciens, teneat virides velatus habenas
  7. ut pater, e[*](e Kr., om. V, et C, in Baehrens ) nivea tumeant ut cornua mitra
  8. et sacer ut Bacchum referat scyphus. impulit acri
  9. tum[*](in V, sed notis verus ordo restitutus est. in S hic est ordo 275, 274, 273) validas stridore fores rapiturque per urbem
  10. talia voce canens: 'linque[*](ante) o mihi caede madentem,
  11. Bacche, domum; sine foedatum te funere pontus[*](f eda tūmte V, corr. M, foeda tumente S | pontus M, ponus V )
  12. expiet et referam lotos in templa dracones.'
  13. sic medios egressa[*](egressa X 2 M, aegras a V | fe rendam V 1, furendam S ) metus; facit ipse verendam
  14. nam deus et flatu non inscia gliscit anhelo.[*](anhelo Bon. 1, anhele V )
    15. p.41
  15. iamque senem tacitis[*](tacitis Bon. 1, tacitus VSM ) saeva procul urbe remotum
  16. occulerat[*](occuluit Thilo, sed cf. Neue, Formenlehre III 396 ) silvis, ipsam sed conscius ausi
  17. nocte dieque Pavor fraudataque turbat Erinys.
  18. non similes iam ferre choros (semel orgia fallunt)
  19. audet, non patrios furtis accedere[*](patrios furtis V, patrios (patriis C b) bustis C | accedere Bon. 1, accendere VC ) saltus,
  20. et fuga diversas misero quaerenda per artes.