Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. servitiis, urbem aut[*](aut V, ut C ) fugiens natosque relinquam?
  2. non prius ense manus raptoque armabimus igne,
  3. dumque silent ducuntque nova cum coniuge somnos,
  4. magnum aliquid spirabit amor?' tune ignea torquens
  5. lumina praecipites excussit ab ubere[*](ubere S, urbere V ) natos.
  6. ilicet arrectae mentes, evictaque[*](euictaque X 2 M, uictaque V ) matrum
  7. corda sacer Veneris gemitus rapit: aequora cunctae
  8. prospiciunt simulantque choros delubraque festa
  9. fronde tegunt laetaeque viris venientibus adsunt.
  10. iamque domos mensasque petunt; discumbitur altis