Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. hinc mihi, cum[*](hinc Balbus, Hic V, Haec C ut vid. | cum Q teste Heinsio, cur V, ut hinc C ) varios struerem per saecula reges.
  2. atque[*](Utque C ) ego curarum repetam decreta mearum:
  3. iam pridem regio, quae virginis aequor ad Helles
  4. et Tanain tenus immenso descendit ab Euro,
  5. undat equis floretque viris, nec tollere contra
  6. ulla pares animos nomenque capessere bellis
  7. ausa manus; sic fata, locos sic ipse fovebam.
  8. adcelerat sed summa dies Asiamque labantem[*](labantem Bon. 1, labentem V )
  9. linquimus et poscunt iam me sua tempora Grai.
  10. inde meae quercus tripodesque animaeque parentum
  11. hanc pelago misere manum. via facta per undas
  12. perque hiemes, Bellona, tibi. nee vellera tantum
  13. indignanda manent propiorque ex virgine rapta
  14. ille dolor, sed nulla magis sententia menti
  15. fixa meae: veniet Phrygia nam pastor[*](iam pastor Bon. 2 ) ab Ida,
  16. qui gemitus irasque pares et mutua Grais
  17. dona ferat. quae[*](quae Carr., qua V ) classe dehinc effusa procorum
  18. bella, quot ad Troiam flentes hiberna Mycenas,
  19. quot proceres natosque deum, quae robora cernes
  20. oppetere et magnis Asiam concedere[*](concidere C ) fatis.