Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. omnibus inde mero[*](me ro M 2 ut vid., me V, viae V 2 in marg., uie XN, magis C; 'mero caluisse virtus' dicitur, unde promissa vs. 272sq.; Bacchyl. frg. 21 ) calor additus: ire per altum
  2. magna mente volunt. Phrixi promittitur absens
  3. yellus et auratis Argo reditura corymbis.
  4. Sol ruit et totum Minyis laetantibus undae
  5. deduxere[*](deduxere OM 2 C a, diduxere VXC b ) diem. sparguntur litore curvo
  6. lumina nondum ullis terras monstrantia nautis.
  7. Thracius hie noctem dulci testudine vates
  8. extrahit, ut steterit redimitus tempora vittis
  9. Phrixus et iniustas contectus nubibus aras
  10. fugerit Inoo linquens Athamanta Learcho;
  11. aureus ut iuvenem miserantibus[*](mirantibus Bentley ) intulit undis
  12. vector et adstrictis ut sedit cornibus Helle.
  13. septem Aurora vias totidemque[*](totidemque S, totidem V ) peregerat umbras
  14. Luna polo, dirimique procul non aequore visa[*](visa Bon. 2, iussa V, iussa V 2 )
  15. coeperat a gemina discedere[*](discedere M 2, discendere V, descendere SC | abido SM 2, aboedo V ) Sestos Abydo.
  16. hic soror Aeoliden aevum mansura per omne
  17. deserit, heu saevae nequiquam[*](saeuae nequiquam SM, seu uenae quiquam V ) erepta novercae.
  18. illa quidem fessis longe petit umida palmis
  19. vellera, sed bibulas urgenti pondere vestes
  20. unda trahit levique manus labuntur ab auro.