Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. incitat heu! planctus: potius fugientia ripas
  2. flumina detineas rapidis aut ignibus obstes,
  3. quam miseros lugere vetes. tamen ille severus,
  4. quisquis is est, nostrae cognoscat vulnera causae.
  5. Non ego mercatus Pharia de puppe loquaces
  6. delicias [*]() doctumque sui convicia Nili
  7. infantem, lingua nimium [*]() salibusque protervum,
  8. dilexi: meus ille, meus. tellure cadentem
  9. aspexi atque unctum genitali carmine fovi
  10. poscentemque novas tremulis ululatibus auras
  11. inserui vitae, quid plus tribuere parentes?
  12. quin alios ortus libertatemque sub ipsis
  13. uberibus tibi. parve, dedi, cum [*]() munera nostra
  14. rideres ingratus adhuc properaverit ille,
  15. sed merito properabat, amor, ne perderet ullum