Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. abstulit aut alium tetigit Victoria crinem?
  2. Hinc tibi vota patrum credi generosaque pubes
  3. te monitore regi, mores et faeta priorum
  4. discere, quis casus Troiae, quam tardus Ulixes,
  5. quantus equos pugnasque virum decurrere versu
  6. Maeonides quantumque pios ditarit agrestes
  7. Aseraeus Siculusque senex, qua lege recurrat
  8. Pindarieae vox flexa lyrae volucrumque precator
  9. Ibyeus [*]() et tetricis Alcman cantatus Amyclis
  10. Stesichorusque ferox saltusque ingressa viriles
  11. non formidata temeraria Leueade [*]() Sappho,
  12. quosque alios dignata chelys. tu pandere doctus
  13. carmina Battiadae latebrasque Lycophronis arti [*]()
  14. Sophronaque implicitum tenuisque arcana Corinnae.
  15. sed quid parva loquor? tu par adsuetus Homero
  16. ferre iugum senosque pedes aequare solutis
  17. versibus et numquam passu breviore relinqui,
  18. quid mirum, patria si te petiere relicta,
  19. quos Lucanus ager, rigidi quos iugera Dauni,
  20. quos Veneri plorata domus neglectaque tellus