Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. ut vel Apelleo vultus signata colore,
  2. Phidiaca vel nata manu reddare dolenti.
  3. sic auferre rogis umbram conatur et ingens
  4. certamen cum Morte gerit curasque fatigat
  5. artificum inque omni te quaerit amare metallo.
  6. sed mortalis honos, agilis quem dextra laborat.
  7. nos tibi. laudati iuvenis rarissima coniunx,
  8. longa nec obscurum finem latura perenni
  9. temptamus dare iusta lyra. modo dexter Apollo
  10. quique venit iuncto mihi semper Apolline Caesar
  11. annuat: haud alio melius condere sepulcro.
  12. Sera quidem tanto struitur medicina dolori,
  13. altera cum volucris Phoebi rota torqueat annum;
  14. sed cum plaga recens et adhuc in vulnere primo
  15. nigra [*]() domus, miseram quis tunc [*]() accessus ad aurem
  16. coniugis orbati? tunc flere et scindere vestes
  17. et famulos lassare greges et vincere planctus
  18. Fataque et iniustos rabidis pulsare querelis
  19. caelicolas solamen erat. licet ipse levandos
    20. [*](nigra M: aegra Heinsius. )[*](miseram quis tunc Phillimore: quaestu miseramque M: questu miseram qui Macnaghten: quis tum miserandam Adrian. )
  20. ad gemitus silvis comitatus et amnibus Orpheus