Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. cinnama praeripiet Sabaeis.
  2. quis non in omni vertice Romuli
  3. reptasse dulcem Septimium putet?
  4. quis fonte Iuturnae relictis
  5. uberibus neget esse pastum?
  6. nec mira virtus: protinus Ausonum
  7. portus vadosae nescius Africae
  8. intras adoptatusque Tuscis
  9. gurgitibus puer innatasti.
  10. hinc parvus inter pignora curiae
  11. contentus artae lumine purpurae
  12. crescis, sed immensos labores
  13. indole patricia secutus.
  14. non sermo Poenus, non habitus tibi,
  15. externa non mens: Italus, Italus,
  16. sunt Urbe Romanisque turmis,
  17. qui Libyam deceant alumni.
  18. est et frementi vox hilaris foro,
  19. venale sed non eloquium tibi;
  20. ensisque vagina quiescit,