Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. Marcellum et celso praesignem vertice nosces.
  2. cui primam solito vulgi de more salutem,
  3. mox inclusa modis haec reddere verba memento:
    4. [*](scandes s: sandes M: laudes conj. Phill, frondes Slater. )[*](regente s: gerente M. )[*]( vias M: via Vollmer. )
  4. ‘Iam terras volucremque polum fuga veris aquosi
  5. laxat et Icariis caelum latratibus urit;
  6. ardua iam densae rarescunt moenia Romae,
  7. hos Praeneste sacrum, nemus hos glaciale Dianae,
  8. Algidus aut horrens aut Tuscula protegit umbra,
  9. Tiburis hi lucos Anienaque [*]() frigora captant.
  10. te quoque clamosae quaenam plaga mitior urbi
  11. subtrahit? aestivos quo decipis aere soles?
  12. quid? tuus ante omnis, tua cura potissima, Gallus,
  13. nec non noster amor—dubium morumne probandus
  14. ingeniine bonis—Latiis aestivat in oris
  15. anne metalliferae repetit iam moenia Lunae
  16. Tyrrhenasque domos? quod si tibi proximus haeret,
  17. non ego nunc vestro procul a sermone recedo;
  18. certum est, inde sonus geminas mihi circuit aures,
  19. sed tu, dum nimio possessa Hyperione flagrat
  20. torva Cleonaei iuba sideris, exue curis