Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. Sed quam fine viae recentis imo,
  2. qua monstrat veteres Apollo Cumas,
  3. albam crinibus infulisque cerno!
  4. visu fallimur? an sacris ab antris
  5. profert Chalcidicas Sibylla laurus?
  6. cedamus; chely, iam repone cantus:
  7. vates sanctior incipit, tacendum est.
  8. en! et colla rotat novisque late
  9. bacchatur spatiis viamque replet,
  10. tunc sic virgineo profatur ore:
  11. ‘dicebam, veniet—manete campi
  12. atque amnis—, veniet favente caelo,
    13. [*](imbri M: Iri s. )
  13. qui foedum nemus et putres harenas
  14. celsis pontibus et via levabit.
  15. en! hic est deus, hunc iubet beatis
  16. pro se Iuppiter imperare terris;
  17. quo non dignior has subit habenas,
  18. ex quo me duce praescios Averni
  19. Aeneas avide futura quaerens
  20. lucos et penetravit et reliquit.