Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. tene ego. regnator terrarum orbisque subacti
  2. magne parens, te. spes hominum, te, cura deorum,
  3. cerno iacens? datur haec iuxta, datur ora tueri
  4. vina inter mensaeque et non adsurgere fas est?
  5. Tectum augustum, ingens, non centum insigne columnis,
  6. sed quantae superos caelumque Atlante remisso
  7. sustentare queant. stupet hoc vicina Tonantis
  8. regia, teque pari laetantur sede locatum
  9. numina, nec magnum properes escendere caelum 1;
  10. tanta patet moles effusaeque impetus aulae
  11. liberior campo [*]() multumque amplexus operti
  12. aetheros et tantum domino minor: ille penates
  13. implet et ingenti genio iuvat, aemulus illic
  14. mons Libys Iliacusque nitens et [*]() multa Syene
  15. et Chios et glaucae certantia Doridi saxa
  16. Lunaque portandis tantum suffecta columnis.
  17. longa supra species: fessis vix culmina prendas
  18. visibus auratique putes laquearia caeli.
  19. hic eum Romuleos proceres trabeataque Caesar
  20. agmina mille simul iussit discumbere mensis,