Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. ipsius ante dei ludentem conspicit aras.
  2. ac primum subita paulum decepta figura
  3. natorum de plebe putat; sed non erat illi
  4. arcus et ex umeris nullae fulgentibus umbrae.
  5. miratur puerile decus vultumque comasque
  6. aspiciens tune Ausonias ait ‘ibis ad arces,
  7. neglectus Veneri? tu sordida tecta iugumque
  8. servitii vulgare feres? procul absit: ego isti,
  9. quem meruit, formae dominum dabo. vade age mecum,
  10. vade, puer: ducam volucri per sidera curru
  11. donum immane duci; nec te plebeia manebunt
  12. iura: Palatino famulus deberis amori, nil ego,
  13. nil, fateor, toto tam dulce sub orbe aut vidi
  14. aut genui, cedet tibi Latmius [*]() ultro
    15. [*](nube M: laude Markland: pube Koestlin. )[*](Latmius Dom.: lamus M. )
  15. Sangariusque puer quemque irrita fontis imago
  16. et sterilis consumpsit amor. te caerula Nais
  17. mallet et adprensa traxisset fortius urna.
  18. tu, puer, ante omnis; solus formosior ille,
  19. cui daberis.’ sic orsa leves secum ipsa per auras
  20. tollit olorinaque iubet considere biga.