Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. terribilem adfatu passus visuque tyrannum
  2. immanemque suis, ut qui metuenda ferarum
  3. corda domant mersasque iubent iam sanguine tacto
  4. reddere ab ore manus et nulla vivere praeda.
  5. praecipuos sed enim merito surrexit [*]() in actus
  6. nondum stelligerum senior dimissus in axem
  7. Claudius et longo [*]() transmittit habere nepoti.
    8. [*](huic Pol.: hinc M: hunc Aldine. )[*](surrexit M: subvexit Pol. (but cf. Theb. ii. 27). )[*](longo M: longum Gevart. )
  8. quis superos metuens pariter tot templa, tot aras
  9. promeruisse datur? summi Iovis aliger Areas
  10. nuntius; imbrifera potitur Thaumantide Iuno;
  11. stat celer obsequio iussa ad Neptunia Triton:
  12. tu totiens mutata ducum iuga rite tulisti
  13. integer, inque omni felix tua cumba profundo.
  14. Iamque piam lux alta domum praecelsaque toto
  15. intravit Fortuna gradu; iam creditur uni
  16. sanctarum digestus opum partaeque per omnis
  17. divitiae populos magnique impendia mundi,
  18. quicquid ab auriferis eiectat Hiberia fossis,
  19. Dalmatico quod monte nitet, quod messibus Afris
  20. verritur, aestiferi quicquid terit area Nili,