Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. suadet: et ipse tuli quos nunc tibi confero questus.
  2. Non tibi clara quidem, senior placidissime, gentis
  3. linea nec proavis demissum stemma, sed ingens
  4. supplevit fortuna genus culpamque parentum
  5. occuluit. nec enim dominos de plebe tulisti,
  6. sed quibus occasus pariter famulantur et ortus,
  7. nec pudor iste tibi: quid enim terrisque poloque
  8. parendi sine lege manet? vice cuncta reguntur [*]()
  9. alternisque premunt, propriis sub regibus omnis
  10. terra; premit felix regum diademata Roma;
  11. hanc ducibus frenare datum; mox crescit in illos
  12. imperium superis, sed habent et numina legem: