Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. Tempus erat. caeli cum torrentissimus axis
  2. incumbit terris ictusque Hyperione multo
  3. acer anhelantes incendit Sirius agros,
  4. iamque dies aderat, profugis cum regibus aptum
  5. fumat Aricinum Triviae nemus et face multa
  6. conscius Hippolyti splendet lacus; ipsa coronat
  7. emeritos Diana canes et spicula terget
  8. et tutas sinit ire feras, omnisque pudicis
    9. [*](caestibus M: testibus s: caedibus Markland. The jovial and amatory character of the god is a common theme of ancient literature. of Zeus. iv. 8 is addressed. Diana in her precinct by the lake. The lake of Nemi is )
  9. Itala terra focis Hecateidas excedit idus.
  10. ast ego, Dardaniae quamvis sub collibus Albae
  11. rus proprium magnique ducis mihi munere currens
  12. unda domi curas mulcere aestusque levare
  13. sufficerent, notas Sirenum nomine rupes
  14. facundique larem Polli non hospes habebam,
  15. assidue moresque viri pacemque novosque