Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. hic tibi Sidonio celsum pulvinar acantho
  2. texitur et signis crescit torus asper eburnis.
  3. pacatus mitisque veni nec turbidus ira
  4. nec famulare timens, sed quem te Maenalis Auge
  5. confectum thiasis et multo fratre madentem
  6. detinuit qualemque vagae post crimina noctis
  7. Thespius obstupuit, totiens socer, hic tibi festa
  8. gymnas, et insontes iuvenum sine caestibus [*]() irae
  9. annua veloci peragunt certamina lustro.
  10. hic templis inscriptus avo gaudente sacerdos
  11. parvus adhuc similisque tui. cum prima
  12. novercae monstra manu premeres atque exanimata doleres.
  13. Sed quaenam subiti, veneranda, exordia templi,
  14. dic age, Calliope; socius tibi grande sonabit
  15. Alcides tensoque modos mutabitur arcu.
  16. Tempus erat. caeli cum torrentissimus axis
  17. incumbit terris ictusque Hyperione multo
  18. acer anhelantes incendit Sirius agros,
  19. iamque dies aderat, profugis cum regibus aptum
  20. fumat Aricinum Triviae nemus et face multa