Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. Thracia nec Pharii polluta altaria regis,
  2. sed felix simplexque domus fraudumque malarum
  3. inscia et hospitibus superis dignissima sedes,
  4. pone truces arcus agmenque immite pharetrae
  5. et regum multo perfusum sanguine robur,
  6. instratumque umeris dimitte ingentibus [*]() hostem:
    7. [*](rigentibus Gerart: gerentibus M: ingentibus Markland. )
  7. hic tibi Sidonio celsum pulvinar acantho
  8. texitur et signis crescit torus asper eburnis.
  9. pacatus mitisque veni nec turbidus ira
  10. nec famulare timens, sed quem te Maenalis Auge
  11. confectum thiasis et multo fratre madentem
  12. detinuit qualemque vagae post crimina noctis
  13. Thespius obstupuit, totiens socer, hic tibi festa
  14. gymnas, et insontes iuvenum sine caestibus [*]() irae
  15. annua veloci peragunt certamina lustro.
  16. hic templis inscriptus avo gaudente sacerdos
  17. parvus adhuc similisque tui. cum prima
  18. novercae monstra manu premeres atque exanimata doleres.
  19. Sed quaenam subiti, veneranda, exordia templi,
  20. dic age, Calliope; socius tibi grande sonabit