Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. addisces, Misene, tubas, ridetque benigna
  2. Parthenope gentile sacrum nudosque virorum
  3. certatus et parva suae simulacra coronae.
  4. Quin age et ipse libens proprii certaminis actus
  5. invicta dignare manu; seu nubila disco
  6. findere seu volucres zephyros praecedere telo
  7. seu tibi dulce manu Libycas nodare palaestras,
  8. indulge sacris, et, si tibi poma supersunt
  9. Hesperidum, gremio venerabilis ingere Pollae;
  10. nam capit et tantum non degenerabit [*]() honorem.
  11. quod si dulce decus viridesque resumeret annos,
  12. —da veniam, Alcide—fors huic et pensa tulisses.
  13. Haec ego nascentes laetus bacchatus ad aras
  14. libamenta tuli. nunc ipse [*]() in limine—cerno
  15. solventem voces et talia dicta ferentem: