Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. quae Tritonidi [*]() fertiles Athenas
  2. unctis, Baetica, provocas trapetis:
  3. Lucanum potes imputare terris!
  4. hoc plus quam Senecam dedisse mundo
  5. aut dulcem generasse Gallionem.
  6. attollat refluos in astra fontes
  7. Graio nobilior Melcte Baetis 2;
  8. Baetim, Mantua, provocare noli.
  9. Natum protinus atque humum per ipsam
  10. primo murmure dulce vagientem
  11. blando Calliope sinu recepit,
  12. tum primum posito remissa luctu
  13. longos Orpheos exuit dolores
  14. et dixit: ‘puer o dicate Musis,
  15. longaevos cito transiture vates,
  16. non tu flumina nec greges ferarum
  17. nec plectro Getieas movebis ornos,
  18. sed septem iuga Martiumque Thybrim
  19. et doctos equites et eloquente
  20. cantu purpureum trabes senatum,