Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. quique refert iungens iterata vocabula perdix,
  2. et quae Bistonio queritur soror orba cubili:
  3. ferte simul gemitus cognataque ducite flammis
  4. funera et hoc cunctae miserandum addiscite carmen:
  5. ‘Occidit aeriae celeberrima gloria gentis
  6. psittacus, ille plagae viridis regnator Eoae;
  7. quem non gemmata volucris Iunonia cauda
  8. vinceret aspectu, gelidi non Phasidis ales,
  9. nec quas umenti Numidae rapuere sub austro,
  10. ille salutator regum nomenque locutus
  11. Caesareum et queruli quondam vice functus amici,
  12. nunc conviva levis monstrataque reddere verba
  13. tam facilis! quo tu, Melior dilecte, recluso
  14. numquam solus eras. at non inglorius umbris
  15. mittitur: Assyrio cineres adolentur amomo
    16. [*](augusti M: angusti s. into magpies. into a nightingale; according to Pliny (loc cit.) these birds could be taught both Latin and Greek. )
  16. et tenues Arabum respirant gramine plumae
  17. Sicaniisque crocis; senio nec fessus inerti
  18. scandet odoratos Phoenix felicior ignes.’
  1. Quid tibi nunc strata [*]() mansuescere profuit ira?
  2. quid scelus humanasque animo dediscere caedes