Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. traditur, et gemitum formaque aevoque [*]() meretur:
  2. talis in Isthmiaeos probatus ab aequore portus
  3. naufragus imposita iacuit sub matre Palaemon;
  4. sic et in anguiferae ludentem gramine Lernae
  5. rescissum squamis avidus bibit ignis [*]() Ophelten.
  6. Pone metus Letique minas desiste vereri:
  7. illum nec temo latrabit Cerberus ore,
  8. nulla soror flammis, nulla adsurgentibus hydris
  9. terrebit; quin ipse avidae trux navita cumbae
  10. interius steriles ripas et adusta subibit
  11. litora, ne puero dura ascendisse facultas.
  12. Quid mihi gaudenti proles Cyllenia virga
  13. nuntiat? estne aliquid tam saevo in tempore laetum?
  14. noverat effigies generosique ardua Blaesi
  15. ora puer, dum saepe domi nova serta ligantem
  16. te videt et similes tergentem pectore ceras,
  17. hunc ubi Lethaei lustrantem gurgitis oras