Silvae
Statius, P. Papinius (Publius Papinius)
Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.
- Thermodontiaeas calere turmas,
- hic audax subit ordo pumilorum,
- quos natura brevis statim peracta
- nodosum semel in globum ligavit,
- edunt vulnera conseruntque dextras
- et mortem sibi—qua manu!—minantur.
- ridet Mars pater et cruenta Virtus
- casuraeque vagis grues rapinis
- mirantur pugiles [*]() ferociores.
- Iam noctis propioribus sub umbris
- dives sparsio quos agit tumultus!
- hic intrant faciles emi puellae,
- hic agnoscitur omne. quod theatris
- aut forma placet aut probatur arte.
- hoc plaudunt grege Lydiae tumentes,
- illic cymbala tinnulaeque Gades,
- illic agmina confremunt Syrorum,
- hic plebs scenica quique comminutis
- permutant vitreis gregale sulpur.
- Inter quae subito cadunt volatu