Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. ducat nubila Iuppiter per orbem
  2. et latis pluvias minetur agris,
  3. dum nostri Iovis hi ferantur imbres.
  4. Ecce autem caveas subit per omnis
  5. insignis specie, decora cultu
  6. plebes altera non minor sedente.
  7. hi panaria candidasque mappas
  8. subvectant epulasque lautiores;
  9. illi marcida vina largiuntur:
  10. Idaeos totidem putes ministros,
  11. orbem, qua melior severiorque est,
  12. et gentes alis insimul [*]() togatas,
  13. et cum tot populos, beate,[*]() pascas,
  14. hunc Annona diem superba nescit.[*]()
  15. i nunc saecula compara, Vetustas,
  16. antiqui Iovis aureumque tempus:
  17. non sic libera vina tunc fluebant
  18. nec tardum seges occupabat annum,
  19. una vescitur omnis ordo mensa,
  20. parvi, femina, plebs, eques, senatus: