Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. quod ramis pia germinat Damascos,
  2. et quod percoquit ebriosa Caunos,[*]()
  3. largis gratuitum cadit rapinis:
  4. molles gaioli lucuntulique,
  5. et massis Amerina non perustis
  6. et mustaceus et latente palma
  7. praegnates caryotides cadebant.
    8. [*](ebriamque aparchen (I.e. a)parxh/n, originally first-fruits. first offering, then feast, as In Pint. 40 B) Phillimore: parcen M, pacem Pol., noctem R. Thomson, etc. )[*]( bellaria s: vellaria M. )[*](ebriosa Caunos Waller: aebosia caunos M, aestuosa Imhof, Ebosea Vollmer, arbor Iuda caunas Eilis, et quod praecoquit Ebosia cannis Lafaye and Slater. according to popular belief, on his festival. )
  8. non tantis Hyas inserena nimbis
  9. terras obruit aut soluta Plias,
  10. qualis per cuneos hiems Latinos
  11. plebem grandine contudit serena.
  12. ducat nubila Iuppiter per orbem
  13. et latis pluvias minetur agris,
  14. dum nostri Iovis hi ferantur imbres.
  15. Ecce autem caveas subit per omnis
  16. insignis specie, decora cultu
  17. plebes altera non minor sedente.
  18. hi panaria candidasque mappas
  19. subvectant epulasque lautiores;
  20. illi marcida vina largiuntur: