Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. dignarique manus humiles et verba precantum,
  2. reddere iura foro nec proturbare curules
  3. et ferrum mulcere toga. sic itur in alta
  4. pectora, sic mixto reverentia Adit amori.
  5. ipsa etiam cunctos gravis inclementia fati
  6. terruit et subiti praeceps iuvenile pericli,
  7. nil cunctante malo. non illud culpa senectae
  8. —quippe ea bissenis vixdum orsa excedere lustris—,
  9. sed labor intendens animique in membra vigentis
  10. imperium vigilesque suo pro Caesare curae,
  11. dulce opus. hinc fessos penitus subrepsit in artus
  12. insidiosa quies et pigra oblivio vitae.
  13. Tunc deus. Alpini qui iuxta culmina dorsi
  14. signat Apollineos sancto cognomine lucos,
  15. respicit heu tanti pridem [*]() securus alumni.
  16. praecidensque [*]() moras: ‘nunc mecum, Epidauria proles,
  17. hinc" ait "i [*]() gaudens: datur—aggredienda facultas!—
  18. ingentem recreare virum, teneamus adorti
  19. tendentes [*]() iam fila colos: ne fulminis atri
  20. sit metus: has ultro laudabit Iuppiter artes.