Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. aut ingens in stagna cadit vitreasque natatu
  2. plaudit aquas, illa recubat Tiburnus in umbra,
  3. illic sulpureos cupit Albula mergere crines:
  4. haec domus Egeriae nemoralem abiungere Phoeben
  5. et Dryadum viduare choris algentia possit
  6. Taygeta et silvis accersere Pana Lycaeis.
  7. quod ni templa darent alias Tirynthia sortes,
  8. et Praenestinae poterant migrare sorores.
  9. quid hi fera Alcinoi laudem pomaria vosque,
  10. qui numquam vacui proditis in aethera, rami?
  11. cedant Telegoni, cedant Laurentia Turni
  12. iugera Lucrinaeque domus litusque cruenti
  13. Antiphatae, cedant vitreae iuga perfida Circes
  14. Dulichiis ululata lupis arcemque superbae
  15. Anxuris et sedes. Phrygio quas mitis alumno
  16. debet anus; cedant,quae te iam solibus artis
  17. Antia [*]() nimbosa revocabunt litora bruma
  18. Scilicet hic illi meditantur pondera mores,
  19. hic premitur fecunda quies virtusque serena
  20. fronte gravis sanusque nitor luxuque carentes