Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. quid te, quae mediis servata penatibus arbor
  2. tecta per et postes liquidas emergis in auras,
  3. quo non sub domino saevas passura bipennes?
  4. et nunc ignaro forsan vel lubrica Nais
  5. vel non abruptos tibi debet [*]() Hamadryas annos.
  6. Quid referam alternas gemino super aggere mensas
  7. albentesque lacus altosque in gurgite fontes
  8. teque, per obliquum penitus quae laberis amnem,
  9. Marcia, et audaci transcurris flumina plumbo?
  10. an solum Ioniis sub fluctibus Elidis amnem
  11. dulcis ad Aetnaeos deducat semita portus?
  12. illic ipse antris Anien et [*]() fonte relicto
    13. [*](iungentia Dum.: ingencia M. )[*](debet Heinsius: demet M. )[*](illic Krohn, Anien et Pol.: illis ipse antris anienem M. )
  13. nocte sub arcana [*]() glaucos exutus amictus
  14. huc illuc fragili prosternit pectora musco,
  15. aut ingens in stagna cadit vitreasque natatu
  16. plaudit aquas, illa recubat Tiburnus in umbra,
  17. illic sulpureos cupit Albula mergere crines:
  18. haec domus Egeriae nemoralem abiungere Phoeben
  19. et Dryadum viduare choris algentia possit
  20. Taygeta et silvis accersere Pana Lycaeis.