Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. fulcra torosque deae tenerum premit agmen Amorum;
  2. signa petunt qua ferre faces, quae pectora figi
  3. imperet; an terris saevire an malit in undis,
  4. an miscere deos an adhuc vexare Tonantem.
  5. ipsi animus nondum nec cordi fixa voluntas,
  6. fessa iacet stratis, ubi quondam conscia culpae
  7. Lemnia deprenso repserunt vincula lecto.
  8. hic puer e turba volucrum, cui plurimus ignis
  9. ore manuque levi numquam frustrata sagitta,
  10. agmine de medio tenera sic dulce profatur