Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. omina, iam festa fervet domus utraque pompa.
  2. fronde virent postes, effulgent compita flammis,
  3. et pars immensae gaudet celeberrima Romae.
    4. [*](Parnase sonas Doni.: Parnasis honos M: Parnasis hiems Schwartz. which Bacchus is always connected; there was a tradition that he wore it for sorrow after the death of Ariadne (Theon on Aratus, Phaen. 71). )
  4. omnis honos, cuncti veniunt ad limina fasces,
  5. omnis plebeio teritur praetexta tumultu:
  6. hinc eques, hinc iuvenum coetu [*]() stola mixta laborat.
  7. felices utrosque vocant, sed in agmine, plures
  8. invidere viro. iamdudum poste reclinis
  9. quaerit Hymen thalamis intactum dicere carmen,
  10. quo vatem mulcere queat, dat Iuno verenda
  11. vincula et insignit gemina [*]() Concordia taeda.
  12. hic fuit ille dies: noctem canat ipse maritus!
  13. quantum nosse licet, sic victa sopore doloso
  14. Martia fluminea posuit latus Ilia ripa;
  15. non talis niveos tinxit [*]() Lavinia vultus,
  16. cum Turno spectante rubet: non Claudia talis
  17. respexit populos mota iam virgo carina.
  18. Nunc opus. Aonidum comites tripodumque ministri,
  19. diversis certare modis: eat enthea vittis
  20. atque hederis redimita cohors, ut pollet ovanti