Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. labetur caelo miscebitque oscula iuxta,
  2. ibit in amplexus natus fraterque paterque
  3. et soror: una locum cervix dabit omnibus astris.
  4. Utere perpetuum populi magnique senatus
  5. munere. Apelleae cuperent te scribere cerac
  6. optassetque novo similem te ponere templo
  7. Atticus Elei senior Iovis, et tua mitis
  8. ora Tarans, tua sidereas imitantia flammas
  9. lumina contempto mallet Rhodos aspera Phoebo,
  10. certus ames terras et quae tibi templa dicamus,
  11. ipse colas; nec te caeli iuvet aula, tuosque
  12. laetus huic dono videas dare tura nepotes.
  1. Unde sacro Latii sonuerunt carmine montes?
  2. cui, Paean, nova plectra moves umeroque comanti
  3. facundum suspendio ebur? procul ecce canoro
  4. demigrant Helicone deae quatiuntque novena
  5. lampade solemnem thalamis coeuntibus ignem