Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. impia Cadmeumve larem; fugit ipse natantes
  2. amnis, et innumeris livescunt stagna venenis,
  3. it comes Inoas Ephyre solata querellas
  4. Cenchreaeque manus, vatum qua conscius amnis
  5. Gorgoneo percussus equo, quaque obiacet alto
  6. Isthmos et a terris maria inclinata repellit.
  7. haec manus Adrastum numero ter mille secuti
  8. exsultant; pars gaesa manu. pars robora flammis
  9. indurata diu—non unus namque maniplis
  10. mos neque sanguis—habent, teretes pars vertere [*]() fundas
  11. adsueti vacuoque diem praecingere gyro.
    12. [*](Thyrea lectura Weber: thyla electura P: thyre lectura ω. )[*](Strangilla P: stagilla D: Langia ω (but Langia is near Nemea); various conjectures haec been made. )[*](vertere ω: vertice P. Garrod reads teretis fundae here, and conj. vacuomque. was the subject of constant fighting between Argives and Spartans down to as late as a hundred years after Statius's time. thither from Argos owing to a feud, but subsequently returned to Argos; cf, ii. 179. )
    v.1.p.512
  12. ipse annis sceptrisque subit venerabilis aeque:
  13. ut possessa diu taurus meat arduus inter
  14. pascua iam laxa cervice et inanibus armis,
  15. dux tamen: haud illum bello adtemptare iuvencis
  16. sunt animi; nam trunca vident de vulnere multo
  17. cornua et ingentes plagarum in pectore nodos.
  18. Proxima longaevo profert Dircaeus Adrasto
  19. signa gener, cui bella favent,[*]() cui commodat iras
  20. cuncta cohors: huic et patria de sede volentes