Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. Dianam, tenero signantem gramina passu,
  2. ignovisse ferunt comiti. Dictaeaque tela
  3. ipsam et Amyciaeas umeris aptasse pharetras
  4. prosilit audaci Martis percussus amore,
  5. arma. tubas audire calens et pulvere belli
  6. flaventem sordere comam captoque referri
  7. hostis equo: taedet nemorum, titulumque nocentem
  8. sanguinis humani pudor est nescire sagittas.
  9. igneus ante omnes auro micat, igneus ostro,
  10. undantemque sinum nodis inrugat Hiberis.
  11. imbelli parma pictus Calydonia matris
  12. proelia: trux laeva sonat arcus, et aspera plumis
  13. terga Cydonea corytos harundine pulsat
  14. electro pallens et iaspide clarus Eoa.
  15. cornipedem trepidos suetum praevertere cervos,
  16. velatum geminae deiecti! lyncis et arma
  17. mirantem gravioris eri. sublimis agebat,
  18. dulce rubens viridique genas spectabilis aevo.
  19. Arcades huic veteres antris lunaque priores,
  20. agmina fida datis, nemorum quos stirpe rigenti