Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. Haec sator astrorum iamdudum e vertice mundi
  2. prospectans primoque imbutas sanguine gentes
  3. Gradivum acciri propere iubet, ille furentes
  4. Bistonas et Geticas populatus caedibus urbes
  5. turbidus aetherias currus urgebat ad arces,
  6. fulmine cristatum galeae iubar armaque in auro
  7. tristia, terrificis monstrorum animata figuris,
  8. incutiens: tonat axe polus clipeique cruenta
  9. lux rubet, et solem longe ferit aemulus orbis,
  10. hunc ubi Sarmaticos etiamnum efflare labores
  11. Iuppiter et tota perfusum pectora belli
  12. tempestate videt: ‘talis mihi, nate, per Argos,
  13. talis abi, sic ense madens, hac nubilus ira.
  14. exturbent resides frenos et cuncta [*]() perosi
  15. te cupiant, tibi praecipites animasque manusque
  16. devoveant, rape cunctantes et foedera turba,
  17. cui dedimus, tibi fas ipsos incendere bello
  18. caelicolas pacemque meam. iam semina pugnae
  19. ipse dedi: remeat portans immania Tydeus
  20. ausa, ducis scelus et, turpis primordia belli,