Troades Furens

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. nec abominandae mortis auspicium pavet?
  2. auspicia metuunt qui nihil maius timent.
  3. fidem alligavit iure iurando suam—
  4. si peierat, timere quid gravius potest?
  5. nunc advoca astus, anime, nunc fraudes, dolos.
  6. nunc totum Vlixen; veritas numquam perit.
  7. scrutare matrem, maeret, illacrimat, gemit;
  8. sed et huc et illuc anxios gressus refert
  9. missasque voces aure sollicita excipit:
  10. magis haec timet, quam maeret. ingenio est onus.
  11. Alios parentes alioqui in luctu decet:
  12. tibi gratulandum est. misera, quod nato cares.