Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Quare, Particulo, quoniam caperis fabulis,
  2. (Quas Aesopias, non Aesopi, nomino,
  3. Quia paucas ille ostendit, ego plures fero,
  4. Usus vetusto genere, sed rebus novis),
  5. Quartum libellum, cum vacarit, perleges.
  6. Hunc obtrectare si volet malignitas,
  7. Imitari dum non possit, obtrectet licet.