Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Nec testamenti potuit sensus colligi,
  2. Fidem advocavit iure neglecto parens.
  3. Seponit moechae vestem, mundum muliebrem,
  4. Lavationem argenteam, eunuchos, glabros;
  5. Lanificae agellos, pecora, villam, operarios,
  6. Boves, iumenta et instrumentum rusticum;
  7. Potrici plenam antiquis apothecam cadis,
  8. Domum politam et delicatos hortulos.
  9. Sic destinata dare cum vellet singulis
  10. Et approbaret populus, qui illas noverat,
  11. Aesopus media subito in turba constitit:
  12. O si maneret condito sensus patri,
  13. Quam graviter ferret, quod voluntatem suam
  14. Interpretari non potuissent Attici!
  15. Rogatus deinde solvit errorem omnium:
  16. Domum et ornamenta cum venustis hortulis
  17. Et vina vetera date lanificae rusticae;
  18. Vestem, uniones, pedisequos et cetera
  19. Illi assignate vitam quae luxu trahit;
  20. Agros, buvile et pecora cum pastoribus