Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Fame coacta vulpes alta in vinea
  2. Uvam appetebat summis saliens viribus;
  3. Quam tangere ut non potuit, discedens ait:
  4. Nondum matura est; nolo acerbam sumere.
  5. Qui facere quae non possunt verbis elevant,
  6. Ascribere hoc debebunt exemplum sibi.
  1. Equus sedare solitus quo fuerat sitim,
  2. Dum sese aper volutat turbavit vadum.
  3. Hinc orta lis est. Sonipes iratus fero
  4. Auxilium petiit hominis, quem dorso levans
  5. Rediit ad hostem. Iactis hunc telis eques